پىروگراممېرلار ئۈچۈن بىلىم قۇرۇلمىسىنى پۇختىلاشقا تەۋسىيە كىتاب...

stilly

ئارىمىزدا ئالىي مەكتەپ ئوقۇپ باقمىغان ياكى ئالىي مەكتەپتە كومپىيوتېر كەسپىدە ئوقۇمىغان بولسىمۇ لىكىن پىروگراممىنى ژىتىۋىتىدىغان تالانىتلىقلار ئاز ئەمەس . ئۆزەمنى ئىلىپ ئىيتساممۇ ھەم شۇنداق . مۇنتىزىم كومپىيوتېر ئىلمىدە ئوقۇپ باقمىغان ، پىروگرامما دۇنياسىدا ئۆزەمنىڭ قىززىقىشى ۋە ئىزدىنىشلىرى نەتىجىسىدە ئاز تولا نەتىجىلەرنى قولغا كەلتۈردۈم . مۇنداقلا ئىيسام مەن بىراقلام ئەمەلىي كود يېزىش باسقۇچىغا ئۆتۈپ كەتكەن پىروگراممېر ھىسابلىنىمەن .كومپىيوتېر ئىلمى توغۇرلۇق نەزىرىۋىي بىلىمىم ئىنتايىن چەكلىك .

پىروگراممېرلارغا نىسبەتەن ئىيتقاندا كود بېسىشنىلا بىلىش بەكمۇ يىتەرسىز ئىش بولۇپ ، مۇۋاپپىق ھالدا كەسپىي نەزىرىۋىي بىلىملەرنى پۇختىلاش ۋە تولۇقلاش تولىمۇ زۆرۈردۇر . مۇشۇ نۇقتىلارنى ھىس قىلغاندىن باشلاپ تەجىربىلىك بۇرادەرلىرىم ۋە تونۇشلۇرۇمنىڭ تۈرتكىسىدە ۋە ئۆز ئىھتىياجىمنىڭ تەقەززاسىدا مۇناسىۋەتلىك كومپىيوتېر ئىلمى توغۇرىسىدىكى نەزىرىۋىي بىلىملەرنى تولۇقلاۋاتىمەن . ھەمدە مۇشۇ تېمىمىزنىڭ مەركىزى نۇقتىسى بولغان  "پىروگراممېرلار ئۈچۈن بىلىم قۇرۇلمىسىنى پۇختىلاشقا تەۋسىيە كىتابلار " غا ئالاقىدار بىر قانچە ماتىريال كىتابلارنى ئورتاقلاشقۇم كەلدى . ئەلۋەتتە بۇ كىتابلارنىڭ بەزىسى مەن پايدىلىنىۋاتقان كىتابلار، يەنە بەزىلىرى تېخى مەن ئوقۇشقا ئۈلگۈرمىگەن كىتابلار . بۇ كىتابلار كومپىيوتېر ئىلمى توغۇرسىدىكى تەۋسىيىلىك ۋە چوقۇم ئىگەللەش تەلەپ قىلىنغان كىتابلاردۇر. مەن بىلەن ئوخشاش ئويدا بولىۋاتقانلار ئۈچۈن پايدىلىنىش ماتىريالى ياكى ئاز بولسىمۇ ھەركەتلەندۈرگۈچ كۈچ بوپ قىلىشى مومكىن .

算法导论

بۇ كىتاب بىرىنجى تەۋسىيە بولۇپ ، پىروگرامما تىلى كىتابلىرى ئىچىدە ئەڭ ئالقىشقا ئېرىشكەن ۋە تەۋسىيە قىلىغان قورال كىتابدۇر. دىمىسىمۇ مېنىڭ ھىس قىلىشىمچە 算法 بىلىش پىروگراممېرلارنىڭ ئەڭ ئەقەللىي تەلىپىدۇر .


计网络算机

بۇ كىتاب كۆپىنچە ئالىي مەكتەپلەرنىڭ كومپىيوتېر كەسپىنىڭ زۆرۈر ئوقۇشلۇقى سۈپىتىدە ئۆتىلىدىغان دەرىسلىك كىتابدۇر . دىمەك ئالىي مەكتەپتە ئوقۇپ باقمىغان ياكى كومپىيوتېر كەسپىدە ئوقۇمىغان پىروگراممىرلار ئۈچۈن بۇ كىتاب تولىمۇ ماس كىلىدۇ . بۇ كىتاب ئارقىلىق ئالىي مەكتەپتە ئۆتىلىدىغان كومپىيوتېر تور دەرىسلىكنىڭ ئاساسىي مەزمۇنلىرىنى ئىگەللەشكە بولىدۇ . شەخسەن بۇ كىتابنى مەن ھازىر كۆرىۋاتىمەن .


深入理解计算机系统

بۇ كىتابمۇ چوقۇم ئىگەللەشكە تېگىشلىك بولغان زۆرۈر بىلىم نۇقتىلىرى سۆزلەنگەن كىتاب بولۇپ ، كومپىيوتېر مەشخۇلات سىستېمىسى ھەققىدىكى كىتابلارنىڭ سەركىسى ۋە تەۋسىيە كىتابدۇر .


计算机组成原理

بۇ كىتابمۇ ئالىي مەكتەپتە ئۆتىلىدىغان كومپىيوتېر ئىلمى دەرىسلىك كىتابلرىنىڭ بىرى بولۇپ ، كومپىيوتېرنىڭ تۈزۈلىشى ۋە خىزمەت پىرىنسىپىنى چۈشىنىش پىروگراممېرلارغا نىسبەتەن چوقۇم ھازىرلاشقا تىگىشلىك شەرت ھىسابلىنىدۇ .


图解TCP/IP

بۇ كىتاب ئاساسلىقى TCP/IP ۋە http لار ھەققىدە تەپسىلىي توختالغان كىتاب ، نۆۋەتتە مەنمۇ بۇ كىتابنى كۆرۈپ پايدىلىنىۋاتىمەن . مەزمۇنى چۈشىنىشلىك ھەمدە TCP/IP لارنى چۈشىنىش زۆرۈې بولغاچ بۇ كىتابنىمۇ تەۋسىيە قىلىمەن


编码：隐匿在计算机软硬件背后的语言

بۇ كىتان جىڭدوو تورىدىكى تەۋسىيە كىتابلارنىڭ بىرسىكەن . ئىنكاسلىرىغا قارىسام ياخشى كىتاب چىراي .شۇڭا تەۋسىيە قىلغۇم كەلدى .

程序员的数学

بۇ كىتابنى 知乎 تورىدا بىر تورداش تەۋسىيە قىپتىكەن . قارىسام خىلى ياخشى ئىنكاسلىق كىتابكەن ، ماتىماتىكىسى ئاجىز ياكى تازا ئۆزىگە ئىشەنچىسى يوقلار ئۈچۈن قورال كىتاب بولالىغۇدەك . بۇ كىتابنى تېخى كۆرمىدىم . ( ماتىماتكىدا 100 نومۇرلۇق سۇئالدا 99 ياكى 98 ئالاتتىمچۇ شۇڭا )


تولۇقلىما : يۇقارقى كىتابلارنى جىڭدوڭ تورىدىن سېتىۋىلىشقا بولىدۇ . ( ئادەتتە جىڭدوڭدىنلام مال سېتىۋالىمەنچۇ . )

يۇقارقى مەزمۇنلار ئۆزۈمنىڭ كۆز قاراشلىرى ۋە توردىكى مەنبەلەرگە ئاساسلىنىپ رەتلەنگەن بولغاچ ، خاتالىق ۋە يىتەرسىزلىكلەرنىڭ بولىشى تۇرغانلا گەپ . ئۈمۈدۈم كومپىيوتېر ساھاسىدىكى ئۇستازلارنىڭ ۋە ئالىي مەكتەپتە كومپىيوتېر كەسپىدە ئوقۇغان ئۇستازلارنىڭ تەنقىدىي-تەكلىپ پىكىرلەرنى بىرىشىنى سەمىمىي قوبۇل قىلىمەن . ھەم تورداشلارنىڭمۇ ئۆزى كۆرىۋاتقان ياكى ئۆگىنىپ پايدىلىنىپ باققان ياخشى كىتابلارنى بىز بىلەن ئورتاقلىشىشىنى ئۈمىد قىلىمەن .

بۇ مەنزىلدە ئۆزۈم پايدىلىنىپ كىلىۋاتقان ھەمدە قىممىتى بار دەپ قارىغان بىرنەچچە كىتابلارنى سىلەر بىلەن ئورتاقلىشىپ تۇرىمەن .
تېما مەنبەسى : https://learnfans.com/post/98

admin

ھازىر تېخى سالونىڭلاردا مۇشۇ يازمىنى كۆرۈپ ئولتاغان يىغىندا زىرىكىپ.

admin

算法导论 مۇشۇ كىتانى كۆرۈپ باقسام بۇلامدىكىن.

stilly

admin يوللىغان ۋاقتى  2018-1-9 23:16
ھازىر تېخى سالونىڭلاردا مۇشۇ يازمىنى كۆرۈپ ئولتاغان ي ...

بىلىملەردىمۇ ئورتاقلىشاي دەپ مانا

oylax

مۇمكىن بولسا  سىزنى قوشۋالسام

terxkuqi

ھەقىقەتەن ياخشى يازما بوپتۇ